काठमाडौँ । आइतबार सम्पन्न उपनिर्वाचनको मतगणनामा चितवन क्षेत्र नम्बर २ का उम्मेदवार तथा रास्वपाका सभापति रवि लामिछानेले अग्रतामा छलाङ मार्नु भएको छ । गत मंसिर ४ गते सम्पन्न निर्वाचनमा भन्दा पनि बढी मत पाएर लगभग जित सुनिश्चित गर्नु भएको हो ।

Advertisement

उहाँले गत निर्वाचनमा ४९ हजार ३०० मत पाएर विजय हासिल गर्नु भएकोमा मंगलबार बिहानसम्मको विवरणअनुसार ५० हजार मत कटाइसक्नु भएको छ । उहाँले ५००२९ मत प्राप्त गर्नु भएको छ । नेपाली कांग्रेसका जितनारायण श्रेष्ठले ९१६६ मत प्राप्त गर्नु भएको छ भने एमालेका राम प्रसाद न्यौपानेले ८८७९ मत प्राप्त गर्नु भएको छ ।