काठमाण्डौ। नेपाली कांग्रेसले आज निर्वाचन प्रक्रियामार्फत संसदीय दलको नेता चयन गर्दै छ । निर्वाचन समितिले प्रकाशन गरेको तालिकाअनुसार संसदीय दलको नेता चयनका लागि आज अपराह्न ३ बजेदेखि उम्मेदवारी दर्ताको समय तोकिएको छ । निर्वाचन कार्यतालिकाअनुसार आज ११ बजेदेखि १२ बजेसम्म दलको नेता बन्न चाहनेहरूको मनोनयन दर्ताको काम हुनेछ । अपराह्न ४ः ४० बजे उम्मेदवारहरूको अन्तिम नामावली प्रकाशन गरिने र साँझ ५ बजेटबाट मतदान सुरु हुनेछ ।
कांग्रेसले संसदीय दल नेताको चयन गर्न गठित निर्वाचन समितिले बिहीबार मात्रै संसदीय दलको विधान पारित गरेको थियो । प्रतिनिधिसभामा प्रतिनिधित्व गर्ने सबै दलले संसदीय दलको नेता चयन गरे पनि सहमति हुन नसक्दा कांग्रेसले अझै नेता चयन गर्न सकेको छैन । कांग्रेसको प्रतिनिधिसभामा ३८ सिट रहेको छ ।
आकांक्षी धेरै हुँदा कांग्रेसले संसदीय दलको नेता चयन गर्न नसकेको हो । कांग्रेसमा अर्जुन नरसिंह केसी, भिष्मराज आङ्दाङ्बे र मोहन आचार्य संसदीय दलको नेताका आकांक्षी छन् । त्यस्तै, बासना थापा पनि दलको नेता बन्न आकांक्षी छन् ।
