काठमाडौँ। जेन्- जी पुस्ताले आउदो सेप्टेम्बर ८ तारीखमा राजधानीको माईतीघर देखि बानेश्वर क्षेत्रसम्म प्रदर्शन गर्ने भएका छन् । देशमा राजनीति मार्फत भईरहेका थुप्रै बेतिथीजन्य कार्यहरु (भ्रष्टाचार, हत्या, हिंसा, अन्याय आदि) को विरोध गर्दै उनीहरुले प्रदर्शन गर्ने भएका छन् । त्यसैको लागि अहिले सामाजिक संजाल टिकटक, रेडिक्ट जस्ता सामाजीक संजालमा नेपो बेबीज नेपाल भन्ने अभियान नै चलाईएको छ । अहिले सामाजीक संजालका विभिन्न माध्यमहरुमा चर्चीत युवाहरुले नै राजनैतिक नेतृत्व विरुद्धको यो अभियानको नेतृत्व गरीरहेका छन् ।

Advertisement

जेन्- जी को हुन् ?
जेन्- जी भन्नाले सन् १९९७ देखि २०१२ सम्म जन्मिएका पुस्तालाई जनाइन्छ । यो पुस्ता मिलेनियल्स (१९८१ देखि १९९६ सम्म जन्मिएको पुस्ता) पछि आएको पुस्ता हो । यो पुस्ता अहिले किशोर, युवा वा प्रारम्भिक वयस्क उमेरमा छ । जेन्- जी को विशेषता भनेको डिजिटल प्रविधिसँग निकटता हो । बाल्यकालदेखि नै स्मार्टफोन, इन्टरनेट, सामाजिक सञ्जाल र भिडियो प्लेटफर्म (जस्तै TikTok, YouTube, Instagram) मा हुर्किएका कारण तिनीहरूलाई “डिजिटल नेटिभ्स” पनि भनिन्छ । अध्ययन, मनोरञ्जनदेखि व्यवसायसम्म डिजिटल साधन प्रयोग गर्ने बानीले तिनीहरूलाई अघिल्ला पुस्ताभन्दा फरक बनाएको छ ।

सामाजिक दृष्टिले पनि जेन्- जी बढी स्वतन्त्र, खुलेआम बोल्ने र विविधतालाई स्वीकार्ने पुस्ता मानिन्छ । जेन्- जी पुस्ताले लैंगिक समानता, मानव अधिकार, वातावरणीय मुद्दा, मानसिक स्वास्थ्य जस्ता विषयलाई संवेदनशीलताका साथ अगाडि सारेका छन् । तर, यो पुस्ताको छोटो ध्यानाकर्षण , सामाजिक सञ्जालको अत्यधिक प्रयोग र वास्तविक जीवनभन्दा भर्चुअल जीवनमा बढी केन्द्रित भएको भनेर पनि आलोचना हुन्छ ।
शिक्षा र करियरतर्फ हेर्दा जेन्- जी पुस्तामा उद्यमशील, नयाँ अवसर खोज्ने र परम्परागत रोजगारीभन्दा स्टार्टअप वा फ्रीलान्स रोजाइ गर्ने प्रवृत्ति देखिन्छ । अहिलेको डिजीटल दुनियाँमा जेन्- जी पुस्ताको विचार, व्यवहार र मूल्यहरूले आगामी सामाजिक, सांस्कृतिक र राजनीतिक परिवेशमा ठूलो प्रभाव पार्ने अपेक्षा गरिएको छ ।