एजेन्सी। अहदाबादमा दुर्घटनाग्रस्त भएको एयर इण्डियाको विमानभित्र रहेका यात्रुलाई एम्बुलेन्समा राखेर अस्पताल लगिँदैछ । टाइम्स अफ इण्डियाका अनुसार गुजरातका मुख्यमन्त्री रुपनी बिजयसहित २४२ यात्रु र चालक दलका सदस्य विमानभित्र थिए ।
लण्डन उड्ने क्रममा टेक अफ लिएलगत्तै विमान केही पर पुगेर आकाशमै आगो लागेको देखिन्छ ।विमानमा सवार यात्रुको उद्दार गरेर अस्पताल लगिरहेको दृष्य देखाइए पनि हताहतीबारे अहिलेसम्म त्यहाँका अधिकारीले केही बताएका छैनन् ।
अहिले अहमदाबाद बिमानस्थल बन्द गरिएको छ भने दुर्घटनास्थलबाट अस्पताल जाने बाटोमा अरु गाडी बन्द गरेर एम्बुलेन्स तथा दमकलमात्र प्रवेश गर्न दिइएको छ । यसअघि सन् १९८८ पनि यही विमानस्थलमा विमान दुर्घटना हुँदा १३३ जनाको ज्यान गएको थियो।
समाचार संस्था एएनआइका अनुसार विमानमा १६९ जना भारतीप्य,५३ ब्रिटिस र,७ जना पोर्चुगिज र एकजना क्यानेडियन नागरिक सवार थिए । घाइतेहरुलाई नजिकका अस्पतालमा लगिएको छ । विमान आगो लागेर नष्ट भएकाले धेरै यात्रु हताहतीको अनुमान गरिएको छ ।
