बाजुरा। बुढीगङ्गा नगरपालिका–६, बाम्का बजारको नवदुर्गा होटलमा शुक्रबार खाना पकाउने ग्यास सिलिन्डर पड्किएर भएको आगलागीले ३५ पसल जलेर नष्ट भएका छन्। आगलागीले बाम्का बजारका पसल पूर्णरूपमा सखाप भए हो।
३५ पसलको प्रारम्भिक क्षति ८ करोड ७७ लाख ६५ हजार रुपैयाँ भएको बताए बताइएको छ । प्रहरी तथ्यांकअनुसार योगनाथ न्यौपानेको किनारा पसलमा सबैभन्दा बढी १ करोड ८० लाखको क्षति भएको छ।
यस्तै,तोयानाथ न्यौपाने,छत्र थापा र धनबहादुर साउदको पसलमा समान १ करोड ५० लाखको क्षति भएको छ। दीपक साउद, रामु अयडी, तुल कटुवाल र उद्धव थापाको पसलको क्षति रकम खुलेको छैन। फेन्सी, मेडिकल, इलेक्ट्रोनिक, पुस्तक पसल र होटल नष्ट भए। भगतराज गिरीको सु प्र ०१–००१ प ४६८१ नम्बरको मोटरसाइकल पनि जलेर नष्ट भएको जिल्ला प्रहरी कार्यालय बाजुराले जनाएको छ।
आगलागी अपराह्न ३:३० बजे भएको थियो। स्थानीय तहमा दमकल नहुँदा ठूलो क्षति भएको पीडितको गुनासो छ।
