काठमाडौं- राष्ट्रपति डोनाल्ड ट्रम्पसँगको विवादपछि एलन मस्कले सामाजिक सञ्जाल एक्समा अमेरिकामा नयाँ राजनीतिक दल गठन गर्ने बारेमा राय मागेका छन् । यसमा ८०.४ प्रतिशत मानिसहरूले गठन गर्नुपर्छ भन्नेमा आफ्नो राय दिएका छन् ।
पोल समाप्त भएपछि मस्कले भने, ‘द अमेरिकन पार्टी’ । मस्कको यो सङ्केतपछि यो विश्वास गरिन्छ कि उनी आफ्नो पार्टीको नाम द अमेरिकन पार्टी राख्न सक्छन् । यद्यपि, मस्कले अहिलेसम्म यसबारे कुनै औपचारिक घोषणा गरेका छैनन् ।
यहीबीच एक रुसी सांसदले मस्कलाई राजनीतिक शरण दिने कुरा गरेका छन् । रुसी सांसद दिमित्री नोभिकोभले यदि मस्कलाई यसको आवश्यकता छ भने रुसले उनलाई शरण दिन सक्छ ।
ट्रम्पका पूर्वसल्लाहकार स्टिभ ब्याननले मस्कलाई अवैध आप्रवासी भने र उनलाई देशबाट निष्कासनको माग गरेपछि यो बयान आएको हो । ब्याननले अमेरिकी सरकारले मस्कको कम्पनी स्पेसएक्सलाई आफ्नो नियन्त्रणमा लिनुपर्ने पनि बताए ।
