रक्तदान जिवनदान” चितवनको कालीका नगरपालीकामा अवस्थित यति बहुउदेश्यीय सहकारी संस्थाको आयोजनामा बृहत् रक्तदान कार्यक्रम सम्पन्न भयो । संस्थाका अध्यक्ष श्री भोजराज सेढाईको अध्यक्षतामा आयोजित कार्यक्रमका प्रमुख अतिथी नगर प्रमुख विनोद रेग्मी तथा विशीष्ट अतिथीमा वडाध्यक्ष दिपक भट्टराई रहेका थिए। संस्थाको २१ औ वार्षिक उत्सवको अवशरमा आयोजित उक्त कार्यक्रममा प्रथम पटक रक्तदान गर्नेहरुको उत्साहजनक सहभागिता रहेको जानकारी संस्थाकि सचिव भुवानी न्यौपाने ले दिनु भयो।
नेपाल रेडक्रसको सहजिकरणमा आयोजित कार्यक्रम प्रतिकुल मौसमका कारण निर्धारीत समय भन्दा केहि ढिला हुन गएको थियो । तथापि बिहान ७.३० देखि दिउसो १.३० सम्म सन्चालन भएको कार्यक्रममा सहभागिहरुका लागी संस्थाका तर्फबाट प्रमाणपत्र तथा मायाको चिनो स्वरुप टिसर्ट उपहार प्रदान गरिएको थियो। पछिल्लो समय स्वास्थ्य क्षेत्रमा बढ्दै गैरहेको रगत अभावलाई केहि हद सम्म राहत प्रदान गर्न सकियोस् र रगतकै कारण कसैले पनि अकालमा मृत्युबरण गर्न नपरोस् भन्ने हेतुले आयोजना गरिएको कार्यक्रम मा ९१ जना मनकारी मनहरुले रक्तदान गर्नु भएको जानकारी कार्यक्रम कि संयोजक मेनुका थापा अधिकारीले दिनु भयो।
प्रमोद आत्रेय
