चितवनको उदयपुर सामुदायिक बनको हाता भित्र दुर्लभ पाटे बाघ मृत अवस्थामा फेला !

प्रमोद आत्रेय,चितवनको कालिका नगरपालिकामा अवस्थित उदयपुर सामुदायिक बनको हाता भित्र दुर्लभ पाटे बाघ मृत अवस्थामा फेला परेको छ। बेलुकि ६ बजे आसपासको समयमा उक्त बाघ मृत अवस्थामा फेला परेको जानकारी उदयपुर सामुदायिक बनका अध्यक्ष शंकर लामाले दिनु भयो। हाल उक्त सामुदायिक बन क्षेत्र वरपर संसारकै दुर्लभ प्रजातिका बन्यजन्तुहरु बाघ, एकसिंगे गैडा, चित्तल, मृग, जरायो लगायतका पशुपंक्षि देख्न पाईने गरिन्छ।

हरेक समय बेलुका पख जंगल अनुगमन तथा रेखदेख गर्दै जानेक्रममा आज उक्त बाघ मृत फेला परेको तथा बाघको स्वास्थ्यमा समेत समस्या रहेको आशंका अध्यक्ष लामा तथा जिल्ला बनबाट आएका अघिकारीहरुले गरेका छन्। उक्त पाटेबाघ संरक्षित तथा अति दुर्लभ बन्यजन्तु अन्तर्गत पर्ने भएकाले आवश्यक मुचुल्का समेत तयार गरि डिभिजन/जिल्ला बनको जिम्मा लगाईएको अध्यक्ष लामा बताउछन्।