प्रमोद आत्रेय,रास्वपा कोशी प्रदेश खुल्ला सदस्यका तर्फबाट निर्वाचित चित्र कुमार कार्किले उदयपुर जिल्ला संयोजकका रुपमा निर्विरोध थप जिम्मेबारी पाएका छन्। कार्कि मेचिकालि उल्टो साईकल यात्रीका रुपमा समेत चिनिने गर्छन्। उल्टो साईकल यात्रा टेनिस लगायत विभिन्न विधामा गिनिज बुक वर्ल्ड अप द रेकर्ड मा आफ्नो नाम दर्ज गर्न सफल कार्कि थप जिम्मेबारी संगै जिल्लाका विभिन्न नगरपालिका तथा गाँऊपालिकामा संगठन विस्तार गर्दै रास्वपाको निती विधान लाई ग्रहण गरि पार्टिको र देशको हितमा काम गर्न सक्ने सदस्यहरुलाई संगठनमा भित्र्याउने कार्यका लागी अहोरात्र खट्ने समेत बताउनु भएको छ ।
चित्रकुमार कार्कि अगाडी भन्नु हुन्छ,संबैधानिक समाजवादको मर्म अनुरुप जनसमस्या ओकल्न सक्ने जनताको प्रतिनिधिमूलक पार्टीको रुपमा उदयपुरमा रास्वपालाई स्थापित गराउनु छ ।” यसका लागी वडा देखी गाँऊ टोल सम्म आफु स्वयम् उपस्थित भई कार्य गर्ने र आगामि निर्वाचनमा उदयपुर घण्टिमय बनाउनेमा कार्कि ढुक्क छन्।लायन्स क्ल्ब जेसिस लगायतका सामाजिक संस्थाहरुमा आबद्द रहेर विभिन्न सामाजिक कार्यहरुमा आफुलाई निपुर्ण साबित गरिसकेका कार्कि सन् २०११ मा उदयपुरमा लायन्स क्ल्ब भित्र्याउने पात्र समेत हुन्। उनि पछिल्लो समयमा क्षमता भएर पनि ओझेलमा परेका नागरिकहरुलाई सहयोग समेत गर्दै आएका छन्।
रास्वपा मा प्रबेश संगै उनले आफ्ना ठाउँका मुद्धाहरुलाई गहन तरिकाले उठाएर जनताको पक्षमा सधै बोल्ने र संगठन बिस्तारमा आफु तिब्रगतिमा लाग्ने समेत जानकारी दिनु भएको छ गत मंसिर ४ मा सम्मपन्न निर्वाचनमा रास्वपाको आकलन गरेको भन्दा निकै धेरै मत समानुपातिक तर्फ़ आएको र उक्त समर्थनले काम गर्न थप उर्जा मिलेको समेत बताएका छ।
