प्रमोद आत्रेय,शनिबार चितवनको कालिका नगरपालिकामा लघुवित्तिय संस्था संग आबद्द सदस्यहरुको बृहद र्यालि सम्पन्न भएको छ। वित्तिय साक्षरता-राष्ट्रिय अभियान नाम दिईएको उक्त र्यालिमा हजारौको संख्यामा जनमासको उपस्थिती रहेको थियो। केहि समय अघि मात्रै दुर्गा प्रसाईको नेतृत्वमा चितवन मा नै राष्ट्र, राष्ट्रीयता, धर्म, संस्कृती र नागरिक बचाउने महाअभियान २०७९ समेत आयोजन भएको थियो, जस्को उदेश्य बैंक तथा बित्तिय संस्थाहरु लाई तिर्नु पर्ने पुजि मिनाह हुनु पर्ने भन्दै ति र त्यस्ता संस्थालाई कालोमोसो लगाउनु पर्छ भन्दै कालोमोसो संगठन समेत निर्माण गरियको थियो। ठिक त्यसको विपरीत आज चितवनको कालिकामा अनौठो दृश्य देखियो।
देश भरका लघुबित्तिय को छाता संगठनको सहभागितामा आयोजित उक्त बृहत र्यालिको मुख्य उदेश्य पछिल्लो समय वित्तिय संस्थाहरुको बारेमा नकारात्मकता हल्ला फैलाउने तथा भ्रम छर्ने साथै यस वित्तिय संस्थाले देशलाई पार्ने सकारात्मक कामलाई ओझेल पार्ने जस्ता कृयाकलाप बढ्दै गएकाले सर्वसाधारण जनतालाई वास्तविकता छर्लंग पार्न कार्यक्रम आयोजना गरियको आयोजक कमिटीले बतायो ।
देश भर हाल ६४ वटा लघुबित्तिय संस्थामा ६९ लाख सदस्यहरु रहेका र ४.५ खर्ब ऋण लगानि गरियको मा ३ खर्ब भन्दा बढि पुंजी बिना धितोमै वितरण गरियकोले संस्थाको भविष्य तथा त्यसले नागरिक समाज लगायत देशकै अर्थतन्त्रमा पार्न सक्ने दुर्गामी असरका बारेमा कार्यक्रममा जानकारी गराउने कोसिस भएको थियो। संसारमै ब्याजदर बढिरहेको पछिल्लो अवस्थामा नेपालमा पनि त्यसको स्वभाविक प्रभाव परेको सत्य हो तर त्यसैलाई कारण मान्दै बैंकलाई पैसा तिर्नु पर्दैन, वित्तिय संस्थामा आबद्दलाई कालोमोसो लगाऊ जस्ता अराजक गतिविधि बढेको भन्दै सहभागीले खेद समेत प्रकट गरेका छन् ।
वित्तिय संस्थालाई मिटरब्याजीका नाम संग जोड्ने वा संस्थाकै केहि आन्तरिक प्राविधिक कमि कमजोरीलाई समेत कारक बनाई संस्थालाई कमजोर बनाउने चलखेल बढेकाले यस्ता कार्यलाई निरुत्साहित गर्न तथा कानुनि राज्यको आभाष सर्व साधारणलाई गराउन सरकारलाई समेत ध्यानाकर्षण गराईएको थियो। उक्त कार्यक्रम २८ भन्दा बढी लघुवित्त सस्थाको उपस्थिति र सहकार्यमा सम्पन्न भएको थियो उक्त कार्यक्रम देशै भरि लैजाने समेत तयारी रहेको आयोजकले बताए।
