प्रमोद आत्रेय,समय समयमा विबादै विबादले तानि रहने पुर्वि चितवनको अत्यधिक उपभोक्ता रहेको सामुदायिक बनको रुपमा प्रख्यात उदयपुर सामुदायिक बनले अन्तत लामो अन्तराल पश्चात नँया कार्यसमिती पाएको छ। हाल सम्म ४५९५ जना उपभोक्ता रहेको यस बन भित्रका उपभोक्ताहरु साबिक जुटपानी १,३,४,५ शक्तिखाोर ७,८,९ पिठुवा ३,७,८,९ का बासिन्दाहरु रहेका छन्। लामो समय सम्म अधिबेशन नहुने भन्दै बिबादमा रहदै आएको यस सामुदायिक बनले २०७९/९/२७ गते अन्तत: शंकर लामाको अध्यक्षतामा नया समिती पाएको छ। कैयन चुनौती रहेका कारणले पनि होला उक्त बनका नँया अध्यक्ष शंकर लामा ज्यु आजकल शनिबार या अन्य बिदाको दिनमा समेत बिहान ७ बजे देखि मध्यरात सम्म निरन्तर कार्यक्षेत्र तिरै देखिने गर्दछन्।
अध्यक्ष संगको कुराकानिको क्रममा उदयपुर सामुदायिक बन लाई सुधार गर्दै लैजान सके आफ्नो आगामि यात्राको शुभारम्भ यहि बन रहेकाले उतिर्ण र अनुतिर्णको फैसला समेत बनले गर्नेमा आशावादि छन्। बन ले जबसम्म उपभोक्तालाई पर्याप्त मात्रामा पैदावर मार्फत आवश्यक काठ दाउरा उपलब्ध गराउने सामर्थ्य राख्दैन तब सम्म तस्करि नियन्त्रण गर्न नसकिने निर्क्यौलका साथ हाल काठ दाउरा लगायतका बन पैदावरको व्यवस्थापनमा तल्लिन रहेको बताउनु हुन्छ शंकर लामा। आजको मिती सम्म लगभग २५ लाख ऋणको भारि रहेको उदयपुर सामुदायिक बनको अर्को आकर्षणको केन्द्र हो उदयपुर पार्क ,जस्लाई लव डाँडाको नामले पनि चिन्ने गरिन्छ।
डिपिआर समेत तयार भैसकेको उक्त पार्कलाई व्यवस्थित रुपमा सम्पन्न गर्न सबैको सहयोग मिले आउदो बर्ष सम्म पर्यटकिय गन्तव्य समेत बनाउने योजना रहेको बताउनु हुन्छ उँहा। मृग, चित्तल, मयुर लगायतको बन्यजन्तु हरेक दिन बेलुकि देख्न पाईने उक्त पार्क क्षेत्र लाई व्यवस्थित गर्न सके सामुदायिक बनको मुख्य आयश्रोतमा टेवा पुग्ने र आगामि दिनमा स्थानिय रोजगारको श्रृजना समेत हुनेमा विश्वस्त रहेका छन लामा। लामो समय पछि पुर्णता पायको यस समिती ले सुरुवातमा केहि सकस महशुस गरे पनि क्रमिक रुपमा समस्याहरु समाधान गर्दै अघि बढेको छ। दर्ता लगायतका प्रकृया समेत अहिले आएर गर्नु परेता पनि हाल भने सम्पुर्ण कामहरु कम्प्युटर पद्दतिमा चुस्त अघि बढेको छ।
समाजमा आकस्मिक विपत आईपर्दा १ कुईन्टल सम्म दाउरा निशुल्क वितरण गर्दै आएको यस संस्थाले थप मात्रा बढाउदै लैजाने योजना समेत रहेको पाईन्छ। उपभोक्ताका लागि हप्ताको ३ दिन घाँस तथा दाउराका लागि जंगल खुल्ने भएता पनि त्यसलाई नियमित अनुगमन गर्दै बनलाई जुनसुकै हालतमा पनि संरक्षित गर्दै अघि बढाउनका लागि निरन्तर संवाद तथा अध्ययनमा रहेको बताउनु हुन्छ नव नियुक्क अध्यक्ष शंकर लामा। विविध कठिनाईलाई सामना गर्दै निकट भविष्यमा पुर्वि चितवनको उदाहरणिय बन निर्माण गरि छाड्ने दृढ संकल्पमा छन अध्यक्ष लामा
