काठमाडौँ : सिजन मिडिया प्रालिले विभिन्न विधाका गरी १८ व्यक्ति र संस्थालाई ५औं सस्करणको राष्ट्रिय समाजसेवा सम्मान (नेसनल सोसल वेयलफेयर अवार्ड २०२४) प्रदान गरेको छ । उहाँहरुलाई सोमवार राष्ट्रिय नाचघर जमलमा आयोजित एक कार्यक्रमबीच प्रतिनिधिसभाका उपसभामुख इन्दिरा रानाले सम्मान प्रदान गर्नुभएको थियो।
सिजन मिडिया प्रालिको ५औं सस्करणको राष्ट्रिय समाजसेवा सम्मान (नेसनल सोसल वेयलफेयर अवार्ड २०२४) बाट सगरमाथा नेपालकी सस्थापक अध्यक्ष तथा बरिष्ठ समाजसेवी तथा सामाजिक अभियान्ता सावित्री अधिकारी पनि सम्मानित हुनुभएको छ।
सामाजिक क्षेत्रमा योगदान पुर्याउने विभिन्न व्यक्तित्वहरुलाई सम्मान गर्ने उक्त कार्यक्रमा सावित्री अधिकारीले गर्दै आउनु भएको मानव उद्धारको कार्यलाई उच्च सम्मान गर्दै नेसनल सोसल वेयलफेयर अवार्ड २०२४ बाट अधिकारी सम्मानित हुनु भएको छ।
सिजन मिडियाका अध्यक्ष प्रदीपराज वन्तले सामाजिक क्षेत्रमार्फत समाज सेवामा ती व्यक्ति र संस्थाले आफ्ना विषयमा दिएको रुपान्तरणकारी योगदानका लागि ती सम्मान दिइएको जानकारी दिनुभयो ।
