गृहमन्त्री रमेश लेखकले सहकारीको रकम ठगी गर्ने, अपचलन गर्ने र हिनामिना गर्ने कसैले पनि उन्मुक्ति नपाउने बताएका छन्।नेपाल प्रेस युनियनले रूपन्देहीमा बुधबार बिहान गरेको पत्रकार भेटघाटमा मन्त्री लेखकले सहकारीको रकम ठगी गर्ने सयौं मान्छे जेल गएको बताउँदै उनले अब पनि कसैले उन्मुक्ति नपाउने बताएका हुन्।उनले सहकारीको रकम अपचलनमा मुछिएका सयौं व्यक्तिहरुलाई कार्वाही भएपनी एकजनाको बिषय मात्र चर्चामा आएको पनि बताए।
गृहमन्त्री लेखकले रास्वपा सभापति रवि लामिछानेलाई चितवनबाट पोखरा लैजाँदा अमर्यादित व्यवहार नभएको पनि बताए। मकै पोल्ने, दिनभर ठेला चलाउने, ज्याला मजदुरी गरेर जम्मा गरेको पैसा हिनामिना गर्नेले भिड जम्मा गरेर न्यायका कुरा गर्न नसुहाउने पनि उनले बताए।’दिनभरि काम गरेर भोकै बसेर जम्मा गरेको रकम खाईदिने अनि भिड जम्मा गरेर न्यायका कुरा ? त्यसो गर्ने हो भने प्रहरी अदालत न्यायाधीश किन चाहियो? मकै पोल्नेठेला चलाउनेको न्याय खोई ? उनले प्रश्न गरे।
गृहमन्त्री लेखकले अगाडि भने, ´लाखौं गरिब मान्छेको अर्बौं रुपैयाँ हिनामिना गर्ने, ठगी गरेर अर्काको रकम खाईदिने अनि मानवअधिकार उल्लंघन भयो भन्ने ? उहाँमाथि कुनै अवाञ्छित गतिविधि भएका छैन। गृहमन्त्री लेखकले काठमाडौंबाट पक्राउ गरी पोखरा लैजाने क्रममा लामिछानेले जहाजमा जान नमानेको बताउँदै चितवनबाट पोखरा जाँदा मानवअधिकार उल्लंघन भयो भन्नु कुतर्क रहेको पनि बताए।तर रवि जीले मानवअधिकार हनन् भयो भनेर अदालतसमक्ष भन्नु भएको छैन बाहिरको कुरा मात्रै हो,’ उनले भने।
गृहमन्त्री लेखकले सहकारी ठगीका मुख्य योजनाकार जिवी राईलाई ल्याउने कुरामा सरकार गम्भीरता पुर्वक लागेको बताए।उनले कुनैपनी सरकार वा गृहमन्त्री फेरिँदा अपराध र अनुसन्धानका फाईल रोक्न प्रहरीलाई दवाब दिने काम बेठीक भएको बताए।
अनुसन्धान र कार्वाही प्रमाणका आधारमा गर्ने हो, गृहमन्त्री फेरीदा निकटका मान्छेको फाईल रोक्ने र अरूको फाइल अगाडि बढाउने प्रवृत्ति गलत हो, गृहमन्त्री लेखकले भने।उनले मुलुकमा अस्थिरता र अप्ठ्यारो अवस्था श्रृजना भएको बेला नेपाली कांग्रेस र नेकपा एमाले जस्ता ठूला दल एकठाउँ भएको बताए गर्दै अहिले मुलुक आर्थिक र सामाजिक रुपमा समस्या बढ्दै गएकाले एमाले र कांग्रेसका बिच गठबन्धन बनेको बताए।
उनले सरकार परिवर्तनको कुरा सरकार अस्थिर बनाउन चलाईएको भ्रम भएको भन्दै दुई दलका बिचमा सहमति भएअनुसार गठबन्धन ०८४ सम्म चल्ने दाबी गरे।गृहमन्त्री लेखकले बिआरआई फ्रेमवर्क ठिक छ भनेर कांग्रेसको कार्य सम्पादन समितिले निर्णय गरेको पनि बताए।
