काठमाण्डौं- बर्ड फ्लू फैलिँदा दक्षिणी भियतनामको चिडियाखानामा दर्जनौ बाघ मरेका छन् । बीबीसी समाचारका अनुसार बाघसँगै तीन वटा सिंहको पनि मृत्यु भएको छ । बाघलाई कुखुराको मासु खुवाएपछि तिनीहरू बिरामी परेको हुनसक्ने अधिकारीहरूले जनाएका छन् । बर्ड फ्लू संक्रमण भएको मासु खुवाउँदा बाघहरूमा पनि भाइरस संक्रमण भएको बताइएको छ ।

Advertisement

भियतनामी स्वास्थ्यमन्त्रीले मरेका दुई बाघमा बर्ड फ्लू भाइरस पोजेटिभ भेटिएको जनाएका छन् । अन्य बाघको संक्रमण हुनसक्ने श्रोतको अनुसन्धान भइरहेको उनले जनाएका छन् । यससँगै विश्व स्वास्थ्य संगठनले उक्त क्षेत्रमा उत्पादित मासु र अण्डाको उपभोगमा सतर्कता अपनाउन आग्रह गरेको छ । उसले काँचो तथा आधा पाकेको मासु नखान सुझाव गरेको छ ।