सहकारी ठगी प्रकरणमा पक्राउ परेका रास्वपाका सभापति तथा पूर्वगृहमन्त्री रवि लामिछानेलाई पोखराबाट रुपन्देही ल्याउने तयारी गरिएको छ । संसदीय छानबिन बिषेश समिति र प्रहरीको प्रतिवेदन अनुसार बुटवलस्थित सुप्रिम सहकारीबाट एक करोड ९६ लाख रवि लामिछानेकै नाममा र १४ करोड २९ लाख रुपैयाँ विभिन्न व्यक्तिमार्फत गोर्खा मिडिया नेटवर्कमा पुगेकोा पुष्टी भएको छ ।
जिल्ला प्रहरी कार्यालय रुपन्देहीका प्रहरी प्रमुख एसपी रन्जितसिंह राठौरका अनुसार लामिछानेलाई सकभर आज (सोमबार) साँझ नभए भोलि (मंगलबार) बिहान विमानबाट भैरहवा लगिने बताइएको छ । ‘आज सोमबार नै लगिने तयारी भएको भए पनि प्लेनको फ्लाइट शेड्युल चेन्ज भएको हूदा ल्यााउन अफ्ठ्यारो भएको बताए । सकेसम्म लामिछानेलाई आजै साझ सम्म रुपन्देही ल्याउने तयारी गरिएको छ आज नभए भोली बिहान जसरी पनि रुपन्देही लगिने निश्चित भएको एसपी राठौरको भनाई छ । गोर्खा मिडिया नेटवर्क प्रालिमा १४ करोड २९ लाख रुपैया को ठगीमा अनुसन्धााकन गर्न लमिछाने र जीवी राइसहित १२ जनालाई पक्राउ गर्न रुपन्देही जिल्ला अदालतबाट यसअघि नै आदेश आइसकेको थियो ।
त्यस्तै गोर्खा मिडियाकै उपाध्यक्ष छवीलाल जोशीेको नाममा पनि २ करोड ५० लाख रुपैयाँ ऋण लिएको देखिएको छ । लामिछानेलाई बयानका निम्ती पोखराबाट भैरवा लागिने भएको हो । कात्तिक २ गतेदेखि कास्की प्रहरीको हिरासतमा रहेका लामिछानेलाई आइतबार हिजो मात्रै कास्की जिल्ला अदालतले अनुसन्धान गर्न थप १३ दिन हिरासत राख्न अनुमति दिएको हो । लामिछाने यतिबेला ठूलो रुपमा सहकारीको रकम हिनामिना गरेको आरोप खेपीरहेका छन् । रुपन्देही प्रहरीले लामिछानेलाई सूर्यदर्शन सहकारीको रकम अपचलनमा पोखरामा अनुसन्धान हुदै गर्दा रुपन्देहीको सुप्रिम सहकारीमा पनि भएको अपचलनको अनुसन्धान गर्न उनलाई रुपन्देही लगिने भएको हो । कास्कीकै थुनामा रहेका अर्का गोर्खा मिडिया नेटवर्कका उपाध्यक्ष एवं पूर्व डीआईजी छविलाल जोशी ेलार्ई भने यस अघि नै रुपन्देही ल्याएर बयान लिई कास्की पठाइसकिएको छ । विं.सं २०७७ चैत १८ गते बुटवलस्थित सुप्रिम बचत तथा ऋण सहकारीबाट लामिछानेको नाममा २ करोड ऋण लिएको अनुसन्धानबाट खुलेको थियो । उतm सहकारी बुटवल उपमहानगरपालिका–९ राजमार्ग चौराहा मा रहेको छ ।
२ करोडमध्ये संस्थाले लिने सेवा शुल्क कटाएर लामिछानेले १ करोड ९६ लाख ऋण लगेको देखिएको छ । ऋण लैजाने क्रममा उनी गोर्खा मिडिया नेटवर्कमा कार्यकारी निर्देशकका रूपमा रहेका थिए । उतm सहकारीमा १८ सय ३१ बचत कर्ताहकरुले ८६ करोड बढी रकम बचत गरेकोकमा सोही रकम हिनामिना भएको भन्दै बचत कर्ताहरुले जिल्ला प्रहरी कार्यालय रुपन्देहीमा उजुरी दिएका थिए । जम्म हजार ३ सय ९१ बचतकर्ताले जम्मा गरेको १ अर्ब ७ करोड रकममध्ये ८६ करोड १८ लाख २३ हजार अपचलन भएपछि अनुसन्धान प्रक्रिया अघि बढेको हो ।
मुद्दा दायर भएका २८ जना मध्ये ८ जना पक्राउ परेका छन् । जसमा २ जना कास्की र एक जना रुपन्देही कारागार रहेका छन् भने ५ जना धरौटीमा रिहा भएका छन् । जीवी राईसहित अन्य व्यक्तिहरू वैशाखदेखि फरार रहेका छन् ।
