काठमाडौं – नवलपरासी (बर्दघाट सुस्तापूर्व) मा आज एक बालकको बसको ठक्करले मृत्यु भएको छ । पूर्वपश्चिम राजमार्गको नवलपरासी (बर्दघाट सुस्तापूर्व) स्थित गैँडाकोट नगरपालिका १० भैसाखोरीमा कावासोतीतर्फ जाँदै गरेको ना ७ ख २५२५ नम्बरको बसले ठक्कर दिएर गैँडाकोट ११ का सात वर्षीय विशाल श्रेष्ठको घटनास्थलमै मृत्यु भएको छ ।

Advertisement

जिल्ला प्रहरी कार्यालयका प्रहरी नायव उपरीक्षक वेदबहादुर पौडेलका अनुसार, बसको ठक्करबाट बालक श्रेष्ठको मृत्यु भएको हो । यस घटनामा बालक श्रेष्ठकी मामाघरकी हजुरआमा, ५५ वर्षीया श्रीमाया मानन्धर पनि घाइते भएकी छन् । उनलाई उपचारका लागि चितवनको भरतपुरस्थित पुरानो मेडिकल कलेजमा लगिएको प्रहरीले जनाएको छ ।