काठमाडौं – कुशे औंसी पितालाई सम्मान गर्ने विशेष दिन हो, जसलाई नेपालमा भाद्र महिनाको अमावस्या औंसीका दिन पितृ दिवस (बाबुको मुख हेर्ने दिन) का रूपमा मनाइन्छ । यस दिन, पितालाई विशेष सम्मान गरिन्छ र पितृ दिवसको रूपमा मनाउने परम्परा रहेको छ ।
जसका आमा-बाबु छैनन्, उनीहरूले गोर्कण र विष्णुपादुकामा श्राद्ध, तर्पण, दान, र पुण्य गरी पितृलाई तर्साउँदा स्वयंले पनि पुण्य प्राप्त गर्छन् भन्ने विश्वास पाइन्छ । कुशको विशेष प्रकारको औंठीलाई पवित्र मानिन्छ, र यसलाई धारण गरेर मात्र पुण्यकार्य गरिन्छ ।
कुश घरमा राख्दा मात्र पनि घर पवित्र हुन्छ भन्ने विश्वास सनातन हिन्दू संस्कारमा रहेको छ । यस दिन पुरोहितहरूले यजमानका घरमा कुश पुर्याउँछन्, र यजमानहरूले सिधा–दक्षिणा दिएर पुरोहितलाई सम्मान गर्ने चलन छ ।
पिता दिवसको यस दिनको रोचक इतिहास पनि छ । डेली अमेरिकाको रिपोर्ट अनुसार, वाशिङ्टनकी सोनोरा स्मार्ट डोड यस दिनको जन्मदात्री मानिन्छिन् । उनले आमा दिवसको बारेमा थाहा पाएपछि, बाबुको पनि एक विशेष दिवस मनाइनुपर्छ भन्ने विचार गरिन् ।
उनका पिता विलियमले श्रीमतीको निधनपछि पुनर्विवाह नगरी परिवारको हेरचाह गरेका थिए, र सोनाराले उनलाई धन्यवाद दिन चाहन्थिन् तर उपयुक्त अवसर भेटाएकी थिइनन् ।
अन्ततः १९१० मा जुन महिनाको तेस्रो आइतबारका दिन बाबु दिवस मनाउन थालियो । यद्यपि, अमेरिकामा यस दिनलाई आधिकारिक छुट्टीको रूपमा मान्यता प्राप्त गर्न भने धेरै समय लागेको थियो ।
