काठमाडौं – प्रधानमन्त्री केपी शर्मा ओलीले भोजपुर घर भई हाल गोरखा बस्दै आएका प्रकाश तामाङ (काले मोक्तान)लाई भेट्ने इच्छा राख्नु भएको छन्। मंगलबार सामाजिक सञ्जालमा एक पोस्ट राख्दै उनले प्रकाश तामाङ र हेर्ने कथाकी प्रस्तोता विद्या चापागाईंलाई भेट्न चाहेको बताएका हुन्।
प्रधानमन्त्री केपी शर्मा ओलीले उक्त पोस्टमा यस्तो भनेका छन् – हामी दुःखको आँसुसँग मात्र परिचित छौँ। चाहे सुखका हुन् वा दुःखका, भावको आयतन शरीरले थेग्न नसकेपछि आँसु झर्ने रहेछ । हेर्ने कथाको पछिल्लो एपिसोड ‘हराएका वर्षहरू’ हेरेँ । प्रकाश तामाङ (काले मोक्तान)को परिवारसँग मिलनको दृश्यले आँसु आयो। सोचें – यस्ता कति प्रकाशहरु वर्षौंदेखि हराएका होलान् ।
एक पटक प्रकाशलाई भेटेर उहाँको कुरा सुन्न चाहन्छु। विद्या चापागाईं प्रभावशाली ‘स्टोरी टेलर’ हुनुहुन्छ । हेर्ने कथामा उहाँले प्रस्तुत गरेका अरु कयौं कथाहरू पनि हेरेको छु। विद्या चापागाईंसँग पनि भेटेर यस विषयमा कुरा गर्ने छु। यस मर्मस्पर्शी कथालाई दृश्यमा ल्याइदिएकोमा हेर्ने कथा टिमलाई धन्यवाद यद्यपि उनले प्रकाशको विषयमा के गर्नेबारे अहिले नै ठोस निर्णय भने लिएनन्। गत शनिबार हेर्ने कथा युट्युब च्यानलबाट सार्वजनिक भएको प्रकाश तामाङको कथाबारे अहिले सामाजिक सन्जाल भरी चर्चा चलेको छ ।
