राजविराज । सप्तरी जिल्लाको विष्णुपुर गाउँपालिका सिम्राहा सिगियौनस्थित जनता आधारभूत विद्यालयका केही शिक्षक र सहयोगीले कक्षाकोठामा सुतेर दिन बिताउने गरेको पाइएको छ ।
गाउँपालिका अध्यक्ष उमेशप्रसाद यादवले मंगलबार सो विद्यालयको कक्षाकोठामा शिक्षक लालबहादुर यादव र कार्यालय सहयोगी रघुनाथ यादव किताबको सिरानी लगाएर सुतिरहेको तस्बिर सार्वजनिक गरेपछि यस्तो घटना सार्वजनिक भएको हो ।
मिती २०८१ भदौ ४ गते विद्यालय अनुगमनमा विष्णुपुर गाउँपालिका शिक्षा समिति सदस्य तथा वडा नं. १ का वडाध्यक्ष बलराम यादव र शिक्षा संयोजक रामेन्द्रनाथ यादवसमेतको टोलीले ११ बजेको समयमा श्री जनता मावि खुरहुरियामा अनुगमन गर्दा केही शिक्षक/शिक्षिका अनुपस्थित रहेको र आधारभूत विद्यालय मुसहर्नियामा पनि शिक्षक/शिक्षिका अनुपस्थित रहेको पाइयो,’ गाउँपालिका अध्यक्ष यादवले सामाजिक संजालमा लेखेका छन्, ‘जनता आधारभूत विद्यालय सिम्राहा सिगियोनको साढे ११ बजे अनुगमन गर्दा शिक्षक लालबहादुर यादव र कार्यालय सहयोगी रघुनाथ यादवले कक्षा कोठामै विद्यार्थी पढ्ने र शिक्षकले पढाउने किताब सिरानी लगाइ सुतिरहेका थिए । Source – Terai online
