काठमाडौं – सुनसरीको इटहरीमा काकाले डेढ वर्षीया नाबालिग भतिजीको ब्लेडले चिरेर हत्या गरेका छन् । इटहरी उपमहानगरपालिका ५ मा डेरा गरी बस्ने शालिग्राम लुइँटेलले भतिजीको क्रूरतापूर्वक हत्या गरेको प्रहरीले जनाएको छ । शालिग्रामले भतिजी आइन्सु लुइँटेलको घाँटी र टाउकोमा ब्लेडले चिरेर हत्या गरेको इटहरी प्रहरीले जनाएको छ ।

Advertisement

प्रहरीले घटनास्थलबाट ब्लेडसहित शालिग्रामलाई नियन्त्रणमा लिएको जनाएको छ । शालिग्रामले केहि वर्ष अघिदेखि डिप्रेसनको औषधि सेवन गरिरहेको र मानसिक रोगी जस्तो रहेको प्रहरीको प्रारम्भिक अनुसन्धानबाट खुलेको छ । मृतक बालिकाका बुबा नवराज लुइँटेल वैदेशिक रोजगारीमा छन् ।