काठमाडौं – नेपालमा दिन प्रतिदिन अपराधिक घटनाहरु बढ्दै गएको छ तेस्तै एक घटना नवलपरासी पूर्वको कावासोतीमा घटेको छ। हिजोदेखि हराइरहेका एक बालकको शव फेला परेको छ । कावासोती ४ हसौरा निवासी रामजी ढुंगानाका अढाई वर्षीय नाती सुवासलाई आज घरबाट झण्डै दुई किमी तल हसौरा खोलाको किनारमा मृत फेला पारिएको जिल्ला प्रहरी कार्यालय नवलपुरले जनाएको छ ।
नवलपुरका प्रहरी नायव उपरीक्षक डीएसपी वेदबहादुर पौडेलका अनुसार बालकलाई घर नजिकैको कुलोले बगाउँदा मृत्यु भएको अनुमान गरिएको छ । ‘घटनाको सम्बन्धमा हामी थप बुझ्दै छौँ,’ डीएसपी पौडेलले भने, ‘घटनास्थलमा पुगेर अहिले मुचुल्का तयार पार्ने काम भइरहेको छ ।’
मंगलबार बिहान घर नजिकै साइकलमा खेलिरहेको अवस्थामा एक्कासी उनी बेपत्ता भएका थिए । घर नजिकै सिँचाइको सिमेन्टेड कुलो रहेछ । त्यही कुलोले बगाउँदा बालकको मृत्यु भएको हो कि भन्ने अनुमान छ,’ डीएसपी पौडेलले भने । हिजो दिनभरी खोज्दा पनि फेला नपरेका बालकलाई आज बिहान करिव ९ बजे प्रहरी र स्थानीयले मृत फेला पारेका हुन् ।
