काठमाडौँ। खहरे खोलाले बगाउदा नुवाकोटमा एक बालकको मृत्यु भएको छ नुवाकोटको बेलकोटगढी नगरपालिका–वडा नम्बर ६ स्थित महादेवखर्कका एक बालकलाई खोलाले बगाउँदा मृत्यु भएको छ ।
बुधबार बिहान मामाघर जान भनि आमासंगै हिडेका बेलकोटगढी नगरपालिका–वडा नम्बर ६ महादेवखर्क घर भएका ६ वर्षीय बिक्रम लामिछ्नेलाइ चेपिण्डे खोलाले बगाउदा मृत्य भएको हो खोला तरेर पारीपट्टी जाने क्रममा आमाको हातबाट फुत्किएर छ वर्षीय विक्रमलाई खोलाले बगाएर निधन भएको जिल्ला प्रहरी कार्यालयका सूचना अधिकारी, प्रहरी नायब उपरीक्षक तिलक भारतीले जानकारी दिए
प्रहरी नायब उपरीक्षक भारतीका अनुसार बालकलाई उनको आमा बीना भण्डारी (लामिछाने)ले हात समातेर सँगै खोला तर्ने क्रममा चिप्लिँदा खोलाले बगाएर दुई सय मिटर तल पुर्याएपछि उद्धार गरिएको थियो । उद्धारका क्रममा नै बालकको घटनास्थलमा निधन भएको हो ।
खोलाको चिप्लो ढुङ्गामा पानीको बहावले लडाएसँगै आमाको हातबाट फुत्किएर बालकलाई खोलाले बगाएको हो । लड्न पुगेकी आमाले छोरालाई बचाउन प्रयास गरे पनि तत्कालै उद्धार गर्न नसक्दा निधन भएको प्रहरीले जनाएको छ । शव परीक्षणका लागि त्रिशूली पुर्याइएको प्रहरीले जानकारी दिएका छन।
