राष्ट्रिय स्वतन्त्र पार्टी प्रवास नेपाली सम्पर्क समिति अमेरिकाको कोलोराडो राज्य प्रवास समितिको सभापतिमा दीपक सुनुवार चयन भएका छन् ।
बुधबार सम्पन्न भेलाबाट उपसभापतिमा इन्द्रप्रसाद घिमिरे, सचिवमा लिला बहादुर पाण्डे, सदस्यहरुमा शान्तशोभा रञ्जितकार, सुशीला प्रधान, दीपकजंग थापा, रामबहादुर सुनार, उपेन्द्रराज घिमिरे, श्रवणकुमार शर्मा, रबिन्द्र श्रेष्ठ र सौजन रञ्जितकार चयन भएका हुन् ।
अरोरा हिस्टोरिकल म्युजियम हल कोलोराडोमा सम्पन्न भेला दीपक सुनुवारको अध्यक्षतामा भएको थियो । कार्यक्रममा स्थानीय ६० जनाको उपस्थिति रहेको थियो ।
उक्त भेलालाई पार्टीका उपसभापति एवम् पूर्व श्रम तथा रोजगार मन्त्री डीपी अर्यालले नेपालबाट जूममार्फत सम्बोधन गरेका थिए । त्यसैगरी, पार्टीका कावा महामन्त्री तथा संगठन विभाग प्रमुख कबिन्द्र बुर्लाकोटी, पूर्वमन्त्री डा. तोसिमा कार्की, पार्टीका गैरआवासीय प्रमुख डा. प्रणय राणाले पनि जूममार्फत आतिथ्यता ग्रहणका साथै शुभकामंना मन्तब्य पनि दियका थिए ।
केन्द्रीय सदस्य मोहनजंग थापाको उपस्थिति रहेको भेलालाई भेलाको अन्त्यमा पार्टीका सभापति पूर्व उप तथा गृह मन्त्रि रवि लामिछानेले जूमबाट शुभकामना मन्तब्य दिएका थिए ।
कार्यक्रममा रास्वपा अमेरिका संयोजक रमेश भट्ट र नेताहरु प्रकाश सिलवाल, नरेश क्षेत्री, पदम पन्थीको पनि आतिथ्यता रहेको थियो ।
