काठमाडौँ। कोशी प्रदेशका पूर्व मुख्यमन्त्री केदार कार्कीले सामाजिक विकास मन्त्रालयका सचिव लक्ष्मीप्रसाद भट्टराईलाई कुट्ने धम्की दिएका छन् । प्रदेशसभा सदस्य कार्कीले हिजो साझ पौने ५ बजे फोनवार्तामा कार्यालयमै कुट्ने र शौचालयमा थुन्ने धम्की दिएको सचिव भट्टराईले बताए । कार्कीले ‘आफ्ना कार्यकर्तालाई कमिसन छुट्टाउन दबाब दिइरहेका’ थिए । सचिव भट्टराईले नियम कानुनबाहेक तलमाथि आफूले नगर्ने भनेपछि पूर्व मुख्यमन्त्री कार्कीले धम्की दिएका बताइएको छ ।
नेपाली कांग्रेसका नेतासमेत रहेका निवर्तमान मुख्यमन्त्री कार्कीले टेलिफोनबाट धम्की दिएको भन्दै भट्टराईले सुरक्षाको माग गर्दै जिल्ला प्रशासन कार्यालय मोरङमा निवेदन समेत दिएका छन् । जानकारका अनुसार कार्कीले आफू मुख्यमन्त्री भएको बेलाका खेलकुद प्रतियोगिताको बजेट निकासा गर्न सचिव भट्टराईलाई दबाब दिइरहेको थिए ।साथै उनले ‘आफ्ना कार्यकर्तालाई कमिसन छुट्टाउन दबाब दिइरहेका’ थिए । सचिव भट्टराईले नियम कानुनबाहेक तलमाथि आफूले नगर्ने भनेपछि पूर्व मुख्यमन्त्री कार्कीले धम्की दिएका बताइएको छ । उनले अब पनि बजेट निकासा नगरे नगरे ठिक नहुने भन्ने हिसाबले धम्की दिएको सचिव भट्टराईले बताए । शान्ति सुरक्षाको माग गर्दै उजुरी आएको मोरङका प्रमुख जिल्ला अधिकारी प्रेम प्रसाद भट्टराईले बताए । उनले भने, ‘‘ कार्कीले आफूलाई फोनमार्फत धम्की आएको बताएका छन् । जो सुकैले कसैलाई पनि कुट्छु, चुट्छु भन्न पाउँदैन ।
उनलाई शान्ति सुरक्षा दिने कुरामा हामी प्रतिबद्ध छौँ ।’’ कार्कीले मातृका यादवको उदाहरण दिँदै धम्की दिएको निवेदनमा उल्लेख छ । ‘मलाई फोन गरी विराट गोल्डकपको विषयलाई लिएर तथानाम गाली गलौज (मातृका यादवले सचिवलाई कुटेर शौचालयमा थुनेको यादै होला, तलाई पनि मन्त्रालयमै आएर कुट्छु, शौचालयमा थुन्छु भन्नुभयो’, निवेदनमा लेखिएको छ, ‘यो अवस्थामा म मन्त्रालयमा बसेर कामकाज गर्न सक्ने अवस्था नभएकाले मेरो जिउ ज्यानको सुरक्षासहित आवश्यक सुरक्षाको व्यवस्था मिलाइदिनु हुन अनुरोध गर्दछु ।’
मोरङका प्रमुख जिल्ला अधिकारी प्रेमप्रसाद भट्टराईले पनि सचिव भट्टराईको निवेदन दर्ता भइसकेको जनकारी दिएका छन् । भट्टराइले काम गर्दा, हिँड्दा, बस्दा, डुल्दा सुरक्षाको प्रबन्ध मिलाउने , मान्य कार्कीजीको हकमा कल रेकर्ड निकालेर अध्ययन गर्ने पनि बताएका छन्
