काठमाडौँ । ‘जेनजी’ आन्दोलनका क्रममा ज्यान गुमाएका सहिदको स्मृतिमा सिंहदरबारस्थित संसद् भवन परिसरमा निर्माण गर्न लागिएको जेनजी मेमोरियल पार्कको शिलान्यास गरिएको छ ।
Advertisement
जेनजी सहिदको योगदानलाई चिरस्थायी बनाउने उद्देश्यले निर्माण गर्न लागिएको पार्क आइतबार शिलान्यास गरिएको हो ।
शिलान्यास कार्यक्रममा सञ्चारकर्मीसँग गृहमन्त्री सुधन गुरुङले देशका निम्ति आफ्नो ज्यान आहुति दिने जेनजीका सपना पूरा गर्ने बाटोमा सरकार लागिपरेको बताए । आन्दोलनका क्रममा देखिएको सपना, सहिदको बलिदान र जनताका अपेक्षा पूरा गर्न केही समय लाग्न सक्ने भए पनि यसमा सरकार दृढताका साथ अघि बढ्ने उनले उल्लेख गरे ।
मन्त्री गुरुङले पार्क निर्माणले मात्र सहिदले ‘न्याय पाउन नसक्ने’ भन्दै अझै धेरै काम गर्न बाँकी रहेको बताए ।
