काठमाडौं – राष्ट्रिय स्वतन्त्र पार्टी (रास्वपा)का सभापति समेत रहेका सांसद रवि लामिछानेले सदनलाई लडाइँ गर्ने क्षेत्र बनाइएको हो भन्दै प्रश्न गरेका छन् । उनले सभामुखले पटक–पटक रुलिङ गर्दा समेत सरकाले किन जवाफ दिन आनाकानी गरेको भन्दै आवाज उठाए ।
आजको प्रतिनिधिसभा बैठकको आकस्मिक समयमा बोल्दै उनले सरकारलाई एकपछि अर्को गम्भीर आरोप लागेकाले यी विषयमा सदनमा आएर जवाफ दिन के ले रोकेको हो भन्दै प्रश्न थपे ।
“किन राजीनामा मागिरहनुपरेको छ ? यदि समस्या छैन भने र मन्त्रीलाई जवाफ दिने आधार छन्, आरोप निराधार हुन् भने यहाँ उभिएर भन्न के ले रोक्यो सरकारलाई ?,” उनले भने । सांसद लामिछानेले सामन्तवादको अन्त्य गरे भन्दै ऐन जारी गरे पनि मिटरब्याजपीडितहरू किन फेरि काठमाडौं धाउने बाध्यता आयो भन्दै सरकारलाई प्रश्न गरे । २३ दिन सम्म पनि हिडेर काठमान्डौ आउनॆ बाध्य किन पारियो भन्दै सार्कारलाई ध्यान आकर्षण गराए।
“सदनमा द्वन्द्वको परिस्थिति छ, सडकमा उस्तै छ । सडकमा दूध फालेर किसान आन्दोलन गरिरहेका छन् । सरकारले सदनमा विरोध गर्ने ठाउँ दिएको छ । यहाँ उभिएर जवाफ दिनुको सट्टा यो मिडियामा गएर ओठे जवाफ दिने ?,” उनले भने । जवाफ माग्दा सरकारले नसुनेकोमा उनले आपत्ति जनाए ।
