पछिल्लो समय देशमा बालिकाहरुमाथि हुने गरेको बलात्कारको घटना दिन प्रतिदिन बढ्दो छ। यसैबिच सिरहामा भ्यालेन्टाइन डे मनाउन कोठामा जाँदा १८ वर्षे किशोरबाट १५ वर्षीया बालिका बलात्कृत भएकी छिन। हिजो भ्यालेन्टाइन डे को दिन मा सिरहामा बालिकालाई एक किशोरले बलात्कार गरेको घटना सार्वजनिक भएको हो ।
‘भ्यालेन्टाइन डे’ मनाउन भन्दै कोठामा बोलाएर किशोरले बालिका बलात्कार गरेको घटना सार्वजनिक भएको हो। लहान नगरपालिका-२ स्थित अरुण यादवको कोठा भाडामा लिएर बस्दै आएका १८ वर्षीय निकेश यादवले १५ वर्षीया बालिकालाई बलात्कार गरेका हुन्। बलात्कार आरोपीत किशोरलाई लहान प्रहरीले पक्राउ गरेको बताएको छ ।
सिरहाका प्रहरी प्रवक्ता डिएसपी रविन्द्रराज पाण्डेका अनुसार बुधवार दिउँसो करिब २ बजे अरुणले कोठामै बालिकालाई बलात्कार गरेको बताइएको छ । पीडित परिवारले राति १२ बजे नै उक्त घटनाबारे जानकारी गराएका थिए ।त्यस लगत्तै प्रहरीले आरोपीत अरुणलाई नियन्त्रणमा लिएको थियो।
बलात्कृत बालिका अत्यधिक रक्तश्रावका कारण बेहोस हुन् पुगेको र उनलाई आफन्तले बुधवार साँझ उपचारका लागि प्रादेशिक अस्पताल लहान लगेको थियो । तर त्यहाँ बालिकाको उपचार सम्भव नभएपछि विराटनगरस्थित नोबेल हस्पिटल लगिएको बताइएको छ ।
बलात्कृत बालिका पनि सुखिपुरकै रहेको बताइएको छ उनि लहानमै अध्ययन गर्दै कोठा भाडामा लिएर बस्दै आएकी थिइन् । अरुणले ‘भ्यालेन्टाइन डे’ मनाउन आफ्नो कोठामा बोलाएर बलात्कार गरेको बुझिएको छ ।
प्रहरी प्रवक्ता पाण्डेले बलात्कृत बालिकाको अवस्था अहिले सामान्य रहेको कुरा उनकै आफन्तले बताएको जानकारी दिए । उनले भने, ‘अरुणले बालिकालाई ललाइफकाई कोठामा लगेको थाहा पाएको बताएका छन् । यसरी १५ वर्षीय वालिका माथि १८ वर्षीय किशोरले झुक्काएर बालिकामाथि जबर्जस्ती करणी गरेको घटना बाहिर आएको हो ।
