काठमाडाैं । काठमाडौंको कलंकीबाट ६ जना जुवाडे पक्राउ परेका छन् । काठमाडौं महानगरपालिका १४ कलंकीस्थित कान्छीमाया तामाङको टहरामा जुवातास खेलिरहेको अवस्थामा झापाका ४० वर्षीय ओमनाथ गिरीसहित ६ जनालाई सोमवार राति प्रहरीले पक्राउ गरेको हो ।
Advertisement
जुवातास खेलिरहेको विशेष सूचनाको आधारमा प्रहरी वृत्त कालिमाटीबाट खटिएको प्रहरीले उनीहरूलाई पक्राउ गरेको हो । प्रहरीका अनुसार उनीहरूको साथबाट १ लाख ९ सय रूपैयाँ नगद र ६ बुक ताससमेत बरामद भएको छ । थप अनुसन्धान भइरहेको प्रहरीले जनाएको छ ।
