नक्कली शरणार्थी प्रकरणमा संलग्नलाई कारबाही माग गर्दै नागरिक समाजले गर्यो प्रदर्शन

काठमाडौं । राजनीतिक ‘नेक्सस’ प्रयोग गरी नक्कली शरणार्थी प्रकरणको धन्धा चलाएर करोडौं कुम्ल्याएलाई कानुनी कारबाही हुनुपर्ने माग गर्दै नागरिक समाज र अधिकारवादीले संसद् भवन अगाडि विरोध प्रदर्शन गरेका छन् । प्रदर्शनका क्रममा नागरिक अगुवा कृष्ण पहाडीसहितलाई प्रहरीले धरपकड गरेको छ ।

विरोध प्रदर्शनमा सहभागीले नक्कली शरणार्थी प्रकरणमा संलग्न मुख्य दोषी शीर्ष नेतासहितका सबै पार्टीका नेतालाई कारबाही गर्नुपर्ने, सरकार र संसद्ले भ्रष्टाचारीको संरक्षण गर्न नहुने माग गरेका थिए । मानव अधिकार तथा शान्ति समाजको आयोजनामा भएको विरोध प्रदर्शनमा पक्राउ परेकालाई बानेश्वर प्रहरी वृत्तमा थन्काइएको छ ।