काठमाडौं । सिर्सिया नदीलाई प्रदूषण र अतिक्रमण मुक्त गर्न माग गर्दै धर्नामा बसेकाहरुलाई भेट्न उपप्रधान तथा गृहमन्त्री नारायणकाजी श्रेष्ठ माइतीघर मण्डलामा पुगेका छन् । नदी प्रदुषण भएको र त्यहा रहेको पानि बोतलमा लिएर यस्तो चर्को घाम पानी नभनि धर्नामा रहेका छन्। चर्को घाममा पानी पिउदै बसेको धर्ना अझै जारी रहेको छ। जब सम्म उनीहरुको माग पुरा हुदैन तब सम्म धर्ना जारी राख्ने उनीहरुको भनाइ रहेको छ।
नदीको पानी बोटलमा बोकेर काठमाडौं आएका अभियन्ताहरुले माइतीघरमा धर्ना दिँदै आएका थिए । बुधबार धर्नास्थलमा पुगेका मन्त्री श्रेष्ठले चुरे तथा वातावरण संरक्षण र प्रदूषण नियन्त्रण सरकारको पनि एजेण्डा भएको बताए । उनले भने, ‘यो हाम्रै एजेण्डा हो, तपाईँहरुले घचघच्याएर बल दिनु भएको छ । यसको समाधान गरेर हामी अगाडि बढ्छौं ।’
धर्नास्थलमा पुगेका मन्त्रि श्रेष्ठले सरकारी एजेण्डा भएको बताएपनि अब यसको प्रदुषण मुक्त भने टुंगो कहिले लाग्ने भन्ने एकिन भएको छैन। अभियन्ताहरुले भने लिखित प्रतिबद्धता आउनुपर्ने माग गरेका छन् । उपप्रधानमन्त्री श्रेष्ठले यसबारे आफूले सम्बन्धित मन्त्रालयहरुलाई भनिसकेको भन्दै सम्वाद गरेर टुंग्याउन आग्रह गरे ।
