काठमाडौं । प्रमुख प्रतिपक्षी दल नेकपा एमालेका नेता केपी शर्मा ओलीले अर्थमन्त्री प्रकाशशरण महतले करका दर हेरफेरबारे संसद्मा दिएको जवाफमा शंकाको सुविधा दिन सकिने बताउनु भएको छ । अर्थमन्त्री महतको जवाफपछि बजेट छलफलमा भाग लिँदै उहाँले अनधिकृत व्यक्तिको प्रवेश गराएर करका दर गरिएको प्रश्न भने बाँकी नै रहेको बताउनुभयो ।
Advertisement
‘अर्थमन्त्रीले जवाफ दिने क्रममा कसम खानु भएन । कसम खानेहरु बडा खतरनाक हुन्छन् । त्यसकारण अर्थमन्त्रीज्यूलाई ‘बेनिफिट अफ डाउट’ दिन सकिन्छ,’ उहाँले भन्नुभयो । अर्थमन्त्रीको भनाइबाट त्यस्तो देखिए पनि करका दर हेर्दा भने शंका गर्न सकिने उहाँले बताउनु भयो ।
११ सय गाडी एक दिनअघि भित्रिएको भन्दै त्यसले शंका जन्माएको बताउनु भयो । ‘व्यापारीहरु जुवाडे होइनन् । सबै कुरा क्यालकुलेट गरेर व्यापार गर्छन्,’ ओलीले भन्नु भयो ।
