काठमाडौँ । ‘प्लास्टिकजन्य प्रदूषण निर्मूल पारौं, वातावरणमैत्री विकल्पको उपयोग गरौं’ भन्ने राष्ट्रिय नाराका साथ आज नेपालमा विश्व वातावरण दिवस मनाइँदै छ । विभिन्न संघ स्स्थाहरुले कार्यक्रमहरुको आयोजना गरिएका छन् । वातावरण दिवसकै अवुर पारेर सा्सद विराजभक्त श्रेष्ठ पनि विभिन्न कार्यक्रममा सहभागि हुनु भएको छ । मैत्री स्कुलद्वारा आयोजित एक कार्यक्रमा सहभागि भएको तस्विर उहाँले सामाजिक सञ्जालमा राख्नु भएको छ । उहाँले प्लाष्टिकको झोला विस्थापन गर्न विद्यार्थिहरुले लुगाका झोलाहरु खाजाको पैसा कटौति गरि प्रायोजित गरेको कुरा पनि उल्लेख गर्नु भएको छ । तस्विर सेयर गर्दै उहाँले लेख्नु भएको छ, “आज “विश्व वातावरण दिवस” को उपलक्षमा मैत्री स्कुलद्वारा आयोजना गरिएको प्लास्टिक रहित समाज निर्माण गर्ने उद्देश्यले जनचेतना कार्यक्रमा । विद्यार्थी साथीहरूले आफ्नो खाजाको पैसा जम्मा गरेर झोलाहरू प्रायोजित गर्नु भएकोमा हृदय देखि नै आभार ।”
संयुक्त राष्ट्रसंघीय वातावरण कार्यक्रमको आह्वानमा हरेक वर्ष जुन ५ तारिखमा यो दिवस विश्वभर मनाउने गरिन्छ । सन् १९७३ देखि विश्व वातावरण दिवस मनाउन सुरु गरिएको हो । दिवसको अवसरमा राष्ट्रपति रामचन्द्र पौडेलले पनि शुभकामना सन्देश दिँदै स्वच्छ वातावरणमा बाँच्न पाउने संवैधानिक हकलाई सार्थक बनाउन प्रण गर्नुपर्ने बताउनु भएको छ । त्यसका लागि सबैले आफ्नो घर वरिपरि रहेको वातावरण सफा राख्दै वन, जल, वनस्पति, कृषि तथा जीवहरूको पर्यावरणीय सम्बन्धलाई जीवनमुखी बनाउनुपर्ने उहाँको भनाइ छ ।
मानव जातिको महत्वाकांक्षा बढ्दै जाँदा भएको प्रकृतिको दोहनले विश्वव्यापी जलवायु परिवर्तन, जैविक विविधताको ह्रासका साथै बढ्दो प्रदूषण आज चुनौती बनेको भन्दै राष्ट्रपति पौडेलले विकासलाई वातावरणमैत्री बनाउन आवश्यक रहेको उल्लेख गर्नु भएको छ ।
