काठमाडौं । महोत्तरीको महोत्तरी गाउँपालिका २ मा रहेको एनएमबी बैंक शाखाबाट मध्यान्ह साढे १२ बजे रकम लुटिएको जिल्ला प्रहरी कार्यालयले बताएको छ । चार अज्ञात व्यक्तिले बैंक शाखाको क्यास काउन्टरमा हतियार देखाएर रकम लुटपाट गरेको जिल्ला प्रहरी कार्यालयका डिएसपी दिलीपकुमार गिरीले जानकारी दिनुभयो ।
Advertisement
प्रहरीले अहिले बैंक शाखा वरपर सिल गरी घटना अनुसन्धान गरिरहेको जनाएको छ । बैंक शाखाले प्रहरीलाई अन्दाजी ३५ लाख रुपैयाँ लुटिएको प्रारम्भिक जानकारी गराएको बताएको छ ।
