काठमाडौँ । जनता समाजवादी पार्टी नेपालले संसदीय दलको नेतामा उपेन्द्र यादवलाई चयन गरेको छ । सोमबार बसेको संसदीय दलको बैठकले यादवलाई दलको नेता चयन गरेको हो ।

Advertisement

यसअघि ४ मंसिरमा भएको चुनावमा यादव सप्तरी २ मा जनमत पार्टीका अध्यक्ष डा. सीके राउतसँग पराजित भएका थिए । त्यसपछि जसपाले बारा २ बाट निर्वाचित रामसहायप्रसाद यादवलाई दलको नेता चयन गरेको थियो । तर, यादव उपराष्ट्रपतिमा निर्वाचित भएसँगै जसपाको संसदीय दलको नेता चयन हुन सकेको थिएन । तर, रामसहाय उपराष्ट्रपति भएसँगै उनी निर्वाचित भएको क्षेत्र बारा २ मा भएको उपचुनावबाट उपेन्द्र निर्वाचित भएका थिए । बाराबाट निर्वाचित भएसँगै उपेन्द्र यादव संसदीय दलको नेता बन्ने ढोका खुलेको थियो ।