काठमाडौँ । उत्तरी गोरखास्थित चुमनुब्री गाउँपालिका वडा नम्बर ४ र २ भएर बग्ने थोराङ खोलामा बाढी आउँदा ४ वटा घर र एउटा झोलुंगे पुलमा क्षति पुगेको छ।
Advertisement
आइतबार बिहान आएको बाढीले नाम्रुङका ४ वटा घर बगाएको छ। नुर्वु छिरिङ, उर्गेन छयोदेन, लाक्पा भुटी र दोर्जे ग्याल्जेनको घर बगाएको जिल्ला प्रहरी कार्यालयले गोरखाले जनाएको छ।
बाढीबाट मानवीय क्षति भने नभएको जिल्ला प्रहरी कार्यालयले गोरखाले जानकारी दिए।
बाढी आएकोबारे थाहा पाएर स्थानीय भागेर ज्यान जोगाएको उनले बताए। बाढीले सोही ठाउँको झोलुङ्गे पुल पनि बगाएको कार्यालयले जनाएको छ।
