काठमाडौँ । बेत्रावतीबाट जीवितै उद्धार गरिएकी चण्डिका श्रेष्ठको अहिले नेपाली सेनाको अस्पताल छाउनीमा उपचार सुरु भएको छ ।
Advertisement
भदौ १० गते आएको बाढीमा परेर बेपत्ता भएकी उनको शनिबार बिहान नेपाल प्रहरी र सशस्त्र प्रहरीले उद्धार गरेको थियो ।
आफन्तका अनुसार आठ दिनसम्म खोज्दा पनि नभेटिएपछि कुशको शव बनाएर दाहसंस्कार गरिएको थियो ।
आठौं दिनपछि चण्डिकाका छोराबुहारी काजकिरियामा थिए ।
चण्डिकाका सम्धी रमेशमान श्रेष्ठले छाउनी अस्पताल अगाडि बाह्रखरीसँगको कुराकानीमा आठ दिनसम्म पनि खोजी गर्दा नभेटिएपछि कुशको शव बनाएर दाहसंस्कार गरिएको बताए ।
