काठमाडौँ । भीषण लेदोसहितको बाढी र पहिरोका कारण चीनको तिब्बततर्फ २३ देशका २६१ विदेशी नागरिक बेपत्ता भएका छन् । तिब्बततर्फ मृत्यु हुनेको संख्या १६ पुगेको छ ।
Advertisement
चीनको तिब्बत स्वायत्त क्षेत्रका अधिकारीहरूले आयोजना गरेको पत्रकार सम्मेलनमा दिइएको जानकारी अनुसार, बेपत्ता हुने विदेशीहरूमा सबैभन्दा बढी १०४ जना नेपाली नागरिक छन् । यसैगरी ४९ भारतीय, ३३ लाटभियन, १८ अमेरिकी र १५ बेलायती नागरिक पनि बेपत्ता छन् ।
बेइजिङस्थित अधिकारीहरूले यसबारे सम्बन्धित देशका कूटनीतिक नियोगहरूलाई जानकारी गराइसकेको बताइएको छ ।
