काठमाडौं । नेपालले इन्डोनेसियामा भूकम्पबाट भएको जनधनको क्षतिप्रति दुःख व्यक्त गरको छ ।
Advertisement
आइतबार परराष्ट्र मन्त्रालयले एक विज्ञप्ति जारी गर्दै इन्डोनेसियामा भएको जनधनको क्षतिप्रति दुःख व्यक्त गरेको हो ।
“हामी इन्डोनेसियाको फ्लोरेस द्वीपमा गएको विनाशकारी ७.७ म्याग्निच्युडको भूकम्प तथा त्यसपछि आएका पटक–पटकका परकम्पका कारण भएको जनधनको क्षतिप्रति गहिरो दुःख व्यक्त गर्दछौँ,” विज्ञप्तिमा भनिएको छ ।
भूकम्पको विनाशकारी प्रभाव भोगिसकेको नेपालले यस्ता प्राकृतिक विपद्का कारण उत्पन्न हुने पीडा र दुःखलाई गहिरो रूपमा बुझेको विज्ञप्तिमा उल्लेख छ।
