चितवनको इच्छाकामना गाउँपालिका–६ जलबिरेनजिक मुग्लिङ–नारायणगढ सडकखण्डमा बस दुर्घटना हुँदा घाइते भएकाहरूकाे विभिन्न अस्पतालमा उपचार भइरहेकाे छ ।
दुर्घटनापछि घाइते भएका ३३ जनाको उद्धार गरी उपचारका लागि भरतपुर पठाइएको प्रहरीले जनाएको छ । घाइतेमध्ये २४ जनाको नयाँ मेडिकल कलेज भरतपुर र ९ जनाको पुरानो मेडिकल कलेज भरतपुरमा उपचार भइरहेको छ ।
जिल्ला प्रहरी कार्यालय चितवनका अनुसार आइतबार बिहान करिब ७:१० बजे काठमाडौंबाट दाङतर्फ जाँदै गरेको लु.प्र.०३–००१ ख ०५०५ नम्बरको बस, सर्लाहीबाट काठमाडौं आउँदै गरेको म.प्र.०३–००२ ख ७३२ नम्बरको बस र सोही दिशाबाट पछाडि आउँदै गरेको बा.प्र.०३–००१ ख १६७१ नम्बरको ट्रक एकापसमा ठोक्किँदा दुर्घटना भएको हो ।
दुर्घटनामा तीनवटै सवारीसाधनमा क्षति पुगेको छ । दुर्घटनापछि केही समय दुवैतर्फ अवरुद्ध भएको मुग्लिङ–नारायणगढ सडकखण्ड अहिले सञ्चालनमा आइसकेको प्रहरीले जनाएको छ ।
