काठमाडौं। अब राष्ट्रिय परिचयपत्र नम्बर अद्यावधिक नगरेका पुराना बैंक खातामा कारोबार प्रभावित हुन सक्ने भएको छ।
Advertisement
नेपाल राष्ट्र बैंकले बैंक खातालाई सुरक्षित र एकीकृत बनाउन २०८३ असोज मसान्तभित्र सबै नेपाली नागरिकले आफ्नो बैंक खातामा राष्ट्रिय परिचयपत्र (NID) नम्बर अपडेट गर्नुपर्ने व्यवस्था गरेको हो।
यसका लागि बैंकहरूले ग्राहकलाई मोबाइल एप वा अन्य डिजिटल माध्यमबाटै विवरण अद्यावधिक गर्ने सुविधा उपलब्ध गराउनेछन्।
राष्ट्रिय परिचयपत्र नभएका ग्राहकको खाता तत्काल बन्द हुने छैन। तर, बैंकहरूले हरेक ६ महिनामा परिचयपत्र बनाएर केवाईसी अद्यावधिक गर्न सूचना दिनुपर्नेछ।
यस्तै, विदेशमा रहेका नेपाली, पूर्ण अशक्त तथा असहाय नागरिक र १६ वर्षमुनिका बालबालिकाका लागि भने विशेष सहुलियतको व्यवस्था गरिएको राष्ट्र बैंकले जनाएको छ।
