काठमाडौं । वैदेशिक रोजगार विभागले वैदेशिक रोजगार ठगीसम्बन्धी उजुरीका आधारमा एकै दिन ५६ जनाविरुद्ध पक्राउ पुर्जी जारी गरेको छ। विभागका अनुसार सोही दिन १९ वटा नयाँ मुद्दा दर्ता भएका छन् भने ६ जनालाई पक्राउ गरी उपस्थित गराइएको छ। थप ३३ जनालाई पक्राउ गर्न अनुमति मागिएको पनि विभागले जनाएको छ।

Advertisement

विभागले यस अवधिमा ४ जना पीडितको उद्धार, ८ वटा मुद्दा मिलापत्रमार्फत टुंग्याएको, तथा ६६ मध्ये ६५ वटा जनगुनासो समाधान गरेको जनाएको छ। साथै, ५१ वटा म्यानपावर कम्पनी र १४ वटा पूर्वप्रस्थान अभिमुखीकरण तालिम (पीडीओटी) संस्था को नवीकरण गरिएको विभागले जानकारी दिएको छ।