काठमाडौं । नेपाली भाषा र साहित्यका आदिकवि भानुभक्त आचार्यको २१३औं जन्मजयन्ती आज देश तथा विदेशमा विविध कार्यक्रम गरी मनाइँदैछ।
Advertisement
वि.सं. १८७१ असार २९ गते तनहुँको चुँदीरम्घामा जन्मिएका भानुभक्तले संस्कृतको रामायणलाई नेपाली भाषामा भावानुवाद गरी नेपाली साहित्यमा ऐतिहासिक योगदान पुर्याएका थिए। ‘वधुशिक्षा’, ‘भक्तमाला’, ‘प्रश्नोत्तर’ र ‘रामगीता’ उनका चर्चित कृतिहरू हुन्।
यस अवसरमा नेपाल प्रज्ञा प्रतिष्ठानसहित विभिन्न साहित्यिक तथा सांस्कृतिक संस्थाले माल्यार्पण, प्रभातफेरी र विशेष कार्यक्रम आयोजना गरेका छन्। भानु जयन्ती नेपालसँगै भारतको दार्जिलिङ, सिक्किम, भुटानलगायत नेपाली भाषी समुदाय रहेका विभिन्न स्थानमा पनि मनाइँदैछ।
