काठमाडाैं । भारतको लुधियानास्थित गियासपुरा क्षेत्रमा आइतवार बिहान अचानक ग्यास लीक हुँदा ११ जनाको मृत्यु भएको छ । उक्त क्षेत्रलाई प्रहरी अधिकारीहरुले सीलबन्दी गरेका छन् भने उद्धारका लागि फायर ब्रिगेडलाई बोलाइएको छ ।

Advertisement

घटनामा चारजना घाइते हुनु भएको छ । मृत्यु हुनेमा पाँच महिला र ६ पुरुष रहनु भएको छ । नेशनल डिजास्टर रेस्पोन्स फोर्सलाई सहायताका लागि बोलाइएको छ । चिकित्सकहरूको टोली पनि घटनास्थल पुगेको छ । स्थानिय समयअनुसार, बिहान सबा ७ बजेतिर दमकल अधिकारीहरूलाई फोन आएको थियो । उहाँहरू घटनास्थलमा पुग्दा मानिस सडकको छेउमा बेहोश भएर लडिरहेको अवस्थामा फेला परेका थिए ।