उपरजिस्ट्रार डिल्लीप्रसाद पराजुलीको निधन, उच्च अदालत पाटनका आजका सबै सुनुवाइ स्थगित ललितपुर । उच्च अदालत पाटनमा कार्यरत उपरजिस्ट्रार डिल्लीप्रसाद पराजुलीको मंगलबार बिहान निधन भएको छ।
उपरजिस्ट्रार पराजुलीको निधनप्रति शोक व्यक्त गर्दै अदालतले मंगलबारका लागि तय भएका सम्पूर्ण मुद्दाको सुनुवाइ स्थगित गरेको छ।
अदालतले सूचना जारी गर्दै उपरजिस्ट्रार पराजुलीको असामयिक निधनले अदालत परिवार शोकमा परेको जनाउँदै आजका सबै इजलासबाट हुने सुनुवाइ स्थगित गरिएको जानकारी दिएको हो।
साथै, अदालतले स्वर्गीय पराजुलीप्रति भावपूर्ण श्रद्धाञ्जली अर्पण गर्दै सम्बन्धित सबै पक्षलाई सुनुवाइ स्थगित गरिएको जानकारी गराएको छ।

Advertisement