काठमाडौं । फिल्म जलाकी’ आगामी मङ्सिर ४ गते देखि देशभर प्रदर्शनमा आउने भएको छ। निर्माण टिमले राष्ट्रिय धान दिवसको अवसर पारेर फिल्मका दुई पोस्टर सार्वजनिक गर्दै प्रदर्शन मिति घोषणा गरेको हो।
सार्वजनिक गरिएका पोस्टरमा मुख्य कलाकार सोनाम तोप्देन र उपासनासिंह ठकुरीलाई दुई फरक मनोवैज्ञानिक अवस्थासहित प्रस्तुत गरिएको छ। एउटा पोस्टरले प्रेम, आत्मीयता र विश्वासको भाव झल्काएको छ भने अर्कोले मौनता, पीडा र सम्बन्धभित्रको भावनात्मक द्वन्द्वलाई चित्रण गरेको छ।
सुपरहिट फिल्म ‘खुस्मा’का निर्देशक अशोक थापा मगरको निर्देशनमा बनेको ‘जलाकी’ मगर समुदायको कथावस्तुमा आधारित फिल्म हो। एम मिडिया प्रोडक्सनको ब्यानरमा निर्माण भएको फिल्ममा सोनाम तोप्देन, उपासनासिंह ठकुरी, शिल्पा मास्के, माओत्से गुरुङ, बुद्धि तामाङ, अस्तित्व भट्टचन, साहारा हाङमा लिम्बू, रजनी गुरुङ, राजु रेग्मी मगर, उषा खड्की, खड्कबहादुर पुन ९खबपु०, लुनिभा तुलाधर, संगीता थापा, कर्मा लामा तामाङ, भावना मगर, राज काउचामगर र दुइसाङ थिनको अभिनय रहेको छ। विशेष भूमिकामा क्याप्टेन विजय लामा देखिनेछन् भने बाल कलाकारका रूपमा मुन्जन थापा मगर, नुलाम्मा बान्तावा र रिन्सी धनाहा मगरले अभिनय गरेका छन्।
यसै फिल्ममार्फत मिस सिक्किम साहारा हाङमा लिम्बूले नेपाली रजतपटमा डेब्यु गरेकी छन्।
फिल्मका निर्माता ओम घर्तीमगर, वीरबहादुर लामा, चन्द्रबहादुर भट्टचन, बेताने मगर ९बबिता राना०, मानबहादुर धनाहा मगर र सुस्मिता बुढाथोकी हुन्। शैलेन्द्र डी। कार्कीको छायाङ्कन, एसडी योगी र सरिता राईको संगीत रहेको फिल्मलाई गोविन्द शाहीको काफिया फिल्म्स र कुवेर सिने डिष्ट्रिब्युसनले वितरण गर्नेछन्।
