तनहुँ ।तनहुँको बन्दीपुर गाउँपालिका–४ गुम्बा नजिक टिपर दुर्घटना हुँदा चालकको मृत्यु भएको छ।
मृत्यु हुनेमा व्यास नगरपालिका–४ निवासी ३६ वर्षीय चुनु श्रेष्ठ रहेको जिल्ला प्रहरी कार्यालय तनहुँका प्रहरी नायब उपरीक्षक द्वारिकाप्रसाद घिमिरेले जानकारी दिए।
प्रहरीका अनुसार ग१क ५४६६ नम्बरको टिपर तीव्र गतिमा रहेका बेला चालकले नियन्त्रण गुमाउँदा दुर्घटनामा परेको थियो।दुर्घटनामा गम्भीर घाइते भएका श्रेष्ठलाई उपचारका लागि सैनिक अस्पताल पोखरा लगिएको थियो। उपचारकै क्रममा आइतबार उनको मृत्यु भएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।

Advertisement