काठमाडौं । प्युठानमा खोलाले बगाउँदा दुई दाजुभाइको मृत्यु भएको छ।
नौबहिनी गाउँपालिका–५ काटेका यामबहादुर खत्रीका १० वर्षीय छोरा मिलन खत्री र ७ वर्षीय छोरा बिमल खत्रीको जोगी पनेरा खोलाले बगाएर ज्यान गएको प्रहरीले जनाएको छ।
प्रहरीका अनुसार खोला तर्ने क्रममा दुवै बालक बेपत्ता भएका थिए। घटनापछि इलाका प्रहरी कार्यालय लुङबहाने र प्रहरी चौकी डामृबाट खटिएको प्रहरी टोलीले खोजी अभियान सञ्चालन गरेको थियो।
खोजीका क्रममा बिमलको शव मंगलबार दिउँसो फेला परेको थियो भने मिलनको शव बुधबार बिहान भेटिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।

Advertisement