काठमाण्डौ। प्रमुख प्रतिपक्षी दल नेपाली कांग्रेस संसदीय दलका नेता भीष्मराज आङ्देम्बेले प्रधानमन्त्री वालेन्द्र शाह ‘बालेन’ले फेरि उद्दण्ड मच्चाउने हो कि भनेर डर लागिरहेको बताएका छन् । बुधबार प्रतिनिधिसभाको बैठकमा बोल्दै उनले अब प्रधानमन्त्रीलाई संसदमा नखोज्ने पनि बताए ।

Advertisement

‘प्रधानमन्त्रीजीलाई संसद नचाहिएला तर प्रतिपक्षलाई चाहिन्छ । कुनै दिन छापामार शैलीमा प्रधानमन्त्रीजी आउनुहोला । फेरि त्यस्तो नहोस् । मेरो मुलुकको प्रधानमन्त्रीले फेरि कुनै उद्दण्ड मच्चाइदिनुहोला भनेर डर लागिरहेको छ,’ उनले भने, ‘तर, म उप्रान्त उहाँलाई खोज्न चाहन्नँ । मेरो मुलुकको प्रश्न उहाँको उपस्थितिभन्दा पनि ठूलो छ संवेदनशील छ । त्यस कारण अब उप्रान्त म खोज्न चाहन्नँ ।’