बाठमाडौँ । रुसले गरेको हवाई आक्रमणमा परि युक्रेनको राजधानी कीएभ लगायतका सहरमा कम्तीमा पाँच जनाको मृत्यु भएको छ । डिनिप्रो सहरमा एक महिला र तीन वर्षका एक बालकको ज्यान गएको छ । त्यस्तै, उमानमा आवासीय भवनमा भएको आक्रमणमा तीन जनाले ज्यान गुमाएका छन् । उमानमा नौ तले अपार्टमेन्टमा क्षति पुगेको छ ।

Advertisement

क्रेमेन्चुक र पोल्टाभा सहरमा पनि विस्फोटका घटना भएका बीबीसीले जनाएको छ । कीएभका सैन्य प्रशासन प्रमुखले राजधानीमा पछिल्लो ५१ दिनमा पहिलो पटक रुसी मिसाइल आक्रमण भएको जानकारी दिनु भएको छ । त्यहाँ भएको हताहतीबारे थप जानकारी आउन सकेको छैन । रुसले अघिल्लो वर्ष फेब्रुअरीदेखि युक्रेनमा निरन्तर आक्रमण गर्दै आएको छ ।