जुम्ला । जुम्लाको कनकासुन्दरी–३ लाई बालविवाहमुक्त वडा घोषणा गरिएको छ । पछिल्लो समय सरकारले संचालन गरेको अभियान अन्तर्गत बालविवाह मुक्त घोषणा गरिएको हो ।
हालै ‘बिहेवारी २० वर्षपारि, हामी सबैको ऐक्यबद्धता, बालविवाहमुक्त कनकासुन्दरी’ भन्ने नाराका साथ तामझाम र नाचगान, देउडा, सडक नाटकबाट थप बालविवाह सम्बन्धि जनचेतना जगाउँदै बालबिवाह मुक्त वडा घोषणा गरिएको हो ।
कनका सुन्दरी गाँउपालिकामा बिगतका बर्षहरुमा सानै उम्मेरमा बालबिवाह गर्ने, सानै उमेरमा बच्चा जन्माउने, बच्चा र आमाको स्वास्थ्यमा देखिदै आएको थियो । त्यस्तै सम्बन्ध विच्छेदका घट्नाहरु हुने गरेको थियो ।
सन् २०२२मा आफु जनप्रतिनिधी भएर आएपछि समाजमा रहेको कुप्रथा बालबिवाह ६० प्रतिशत कायमै रहेकाले त्यसलाई अन्त्य गर्नुपर्छ भन्ने लक्ष्य अनुसार काम भएको वडा कार्यालयको भनाइ छ ।
उक्त अभियान अनुसार अहिले कनका सुन्दरी गाँउपालिकामा बालबिवाह गर्नेहरुको संख्या २ प्रतिशतमा झरेकाले पालिकाभित्र बालबिवाह मुक्त वडा घोषणा गर्न सफल भएको कनका सुन्दरी वडा नम्बर ३ का वडा अध्क्षय भौर बुढाले बताए ।
गाउँपालिका अध्यक्ष दामोदर आचार्यका अनुसार समाजमा ठूलो विकृति अन्त्य गर्दै लगेको बताए । वडा हुँदै पालिकाले नै बालविवाह मुक्त गर्ने नीति लिए अनुसार पालिकामा रहेका १ देखि ८ वडा मध्य १,२,३,४,५ वडा घोषणा भइसकेको र ६,७,८ वडा घोषणा गर्न बाँकी रहेकाले अब पालिकानै बालबिवाह मुक्त घोषणा गर्ने तयारी भइरहेको उनले जानकारी दिए ।
पहिला पहिला सानै उम्मेरमा मागी बाल बिवाह गर्ने चलन रहेको र सानो उम्मेरमा विवाह गर्दा धेरै जनाको अकालमा मृत्यु हुने गरेको, स्वास्थ्यमा असर हुने गरेकामा हाल विभिन्न संघ संस्था र स्थानीय सरकारको सहकार्यमा जनचेतना अभिबृद्धिका कारण वालविवाह गर्ने चलन कम भएको स्थानीय बिनु बुढाले बताइन् ।
नेपाललाई सन् २०३० सम्म बालविवाहमुक्त राष्ट्र घोषणा गर्ने लक्ष्य अनुसार गैरसरकारी संस्थाहरूको सहयोग र समन्वयमा पालिकाहरूले बालविवाहमुक्त वडा घोषणा गरिरहेका छन् । जुम्लामा कनकासुन्दरी गाउँपालिका वडा नम्बर ३ बालविवाह मुक्त घोषणा भएपछि जुम्लामा ३ वटा वडा बालविवाह मुक्त घोषणा भएका छन् ।
